Ամերիկյան հետախուզական ծառայությունները պարզել են, որ Իրանը կամ, հնարավոր է, մեկ այլ խմբավորում կարող են հասանելիություն ստանալ Իրանում բարձր հարստացված ուրանի հիմնական պաշարներին, չնայած այն հանգամանքին, որ անցյալ տարի ԱՄՆ հարվածների հետևանքով այն մնացել էր Սպահանի միջուկային օբյեկտի փլատակների տակ, գրում է The New York Times-ը։

Ըստ ամերիկյան հետախուզության ներկայացուցիչների, Իրանն այժմ կարող է ուրանին հասնել «շատ նեղ մուտքի կետի» միջոցով։ Հայտնի չէ, թե որքան արագ Իրանը կկարողանա տեղափոխել գազային վիճակում գտնվող և բալոններում պահվող ուրանը։

Միևնույն ժամանակ ԱՄՆ պաշտոնյաները հայտարարել են, որ ամերիկյան հետախուզական ծառայությունները մշտական հսկողություն են իրականացնում Սպահանի օբյեկտի նկատմամբ և մեծ վստահությամբ կարող են հայտնաբերել ու արձագանքել Իրանի կառավարության կամ այլ խմբավորումների՝ այն տեղափոխելու ցանկացած փորձի։

«Ուրանի այս պաշարը կդառնար հիմնական բաղադրիչը, եթե Իրանը որոշեր անցնել միջուկային զենքի ստեղծմանը»,- գրում է պարբերականը։