Ոստիկանության Երեւան քաղաքի վարչության հերթապահ մասում, փետրվարի 16-ին, ահազանգ է ստացվել, որ Ավանի Բրյուսովի թաղամասում գտնվող մթերային խանութի ապակիները կոտրելով՝ մտել են ներս:

Ոստիկանության մամուլի ծառայությունից NEWS.am-ին հայտնում են, որ ահազանգով դեպքի վայր մեկնած ոստիկանության ծառայողները խանութից գողություն կատարելու պահին բռնել եւ բերման են ենթարկել 22-ամյա Գերասիմին եւ 31-ամյա Գնելին:

Պարզվել է, որ  նրանք նույն օրը, ժամը 04.00-ի սահմաններում, խանութի պատուհանը եւ ճաղավանդակը կոտրելով՝ գողացել են 70.000 դրամ կանխիկ գումար եւ բջջային հեռախոսի լիցքավորման քարտեր:

Գողոնն առգրավված է:

Երիտասարդները ձերբակալված են:

Կատարվում է նախաքննություն: