նախընտրելի դարձնել
Լիբանանի սոցիալական հարցերի նախարար Հանին աս-Սաիդը «Al Monitor»-ին տված հարցազրույցում հայտնել է, որ երկրի հարավից եկող փախստականների մեծ հոսքի պատճառով մայրաքաղաքի բնակչությունն աճել է շուրջ 50%-ով։
Նախարարի խոսքով՝ նախքան ռազմական գործողությունների սկսվելը Բեյրութում և հարակից շրջաններում բնակվում էր մոտ 2,2 միլիոն մարդ, սակայն զանգվածային տեղահանությունների հետևանքով այդ թիվն այսօր կտրուկ ավելացել է։
Նախարարը նշել է, որ մարդկանց կտրուկ հոսքը հանգեցրել է վարձակալության գների բարձրացման, ինչպես նաև մեծացրել է սոցիալական և տրանսպորտային ենթակառուցվածքների վրա ճնշումը և բարձրացրել է հանցավորության ռիսկերը։
Մարդկանց զանգվածային տեղահանությունը պայմանավորված է Լիբանանի հարավում ընթացող բախումներով, որտեղ Իսրայելը ռազմական գործողություններ է իրականացնում «Հեզբոլլահ» շարժման դեմ։
