Հին ժամանակներում Մարսի վրա գտնվող օվկիանոս երկու աստերոիդ է ընկել, ինչը հանգեցրել է մեգացունամիի առաջացման: Այսպիսի եզրահանգման են եկել Եվրոպայից, ԱՄՆ-ից եւ Չինաստանից երկրաֆիզիկոսները:
Ըստ Lenta-ի, գիտնականները կարծում են, որ շուրջ 3.4 մլրդ տարի առաջ Մարսի վրա երկու աստերոիդ է ընկել: Իրենց հետեւից երկնային մարմիններն ավելի քան 30 կմ շառավղով երկու խառնարան են առաջացրել:
Աղետալի իրադարձությունների արդյունքում մոլորակի վրա 100 մետր բարձրությամբ ցունամիի երկու ալիք է առաջացել:
Գիտականները որպես իրենց տեսության ապացույց նշում են օվկիանոսի ափամերձ գոտիների միջեւ տարբերությունը: Մոդելավորումը ցույց է տվել, որ այն առաջացել է երկրորդ հսկայական ցունամիի ազդեցությամբ:
