Ավստրալիայի Վիկտորիա նահանգի իշխանությունները քրեական պատասխանատվություն են սահմանել հասարակական վայրերում հետույքը մերկացնելու համար: Նահանգում մերկ հետույքը ցուցադրելը նախկինում էլ էր իրավախախտում համարվում, սակայն հիմա դա արգելվում է հատուկ օրենքով եւ համարվում է հանցագործություն, փոխանցում է BBC-ն:
Առաջին անգամ իրավախախտին սպառնալու է 2 ամսվա ազատազրկում, կրկնվելու դեպքում նա կարող է կես տարի բանտում անցկացնել: Սա սեռական իրավախախտումների մասին օրենքում փոփոխություններով նախատեսվող 50 հանցագործություններից մեկն է:
Օրենքում հատուկ կետ կա հետույքի ցուցադրության մասին: Օրենքով նաեւ արգելվում է երգել անպարկեշտ երգեր կամ բալադներ եւ բուռն, անպատշաճ եւ վիրավորական վարք դրսեւորել: