Գիտնականները գիտափորձ են կատարել եւ ապացուցել, որ մարդուն կարելի է ստիպել սիրել: Այս մասին գրում է Informing-ը:
Մասնագետները 40 մարդու են ընտրել, որոնց կեսը փորձի պահին սիրային հարաբերություններ է ունեցել, իսկ մյուս կեսը բաժանվել է սիրելիից:
Կամավորներին առաջարկել են դիտել իրենց ներկա կամ նախկին սիրելիների լուսանկարները եւ չափել նրանց ուղեղի ակտիվությունը: Միաժամանակ, հետազոտողները վերաիմաստավորման տեխնիկա են կիրառել: Փորձի մասնակիցների հայացքը կենտրոնացնելով դրական պահերի վրա՝ նրանց հոգեզգայական կապվածության մակարդակը բարձրացել է, իսկ բացասականի պարագայում՝ հակառակը:
Պարզվել է, որ առաջին դեպքում փորձի մասնակիցների մոտ իսկապես սկսել է լուսանկարում պատկերված անձի հանդեպ սիրո զգացմունք առաջանալ: Մասնագետները կարծում են, որ եթե կարելի է կառավարել սիրո կամ համակրանքի զգացողությունը, ապա հնարավոր է կառավարել նաեւ այլ զգացմունքները:
