2016թ. ընթացքում գրանցված արտակարգ դեպքերը նվազել են 13.4%-ով, զոհերի թիվը նվազել է՝ 20%-ով: Այդ մասին այսօր փետվարի 28-ին ասել է փրկարար ծառայության տնօրեն, փ/ծ գնդապետ Մ. Ղազարյանը՝ ԱԻՆ կոլեգիայի նիստում ներկայացնելով նախարարության 2016 թ. արդյունքները:

Հիմնական զեկույցում ամփոփ ներկայացվեցին 2016 թ. ընթացքում նախարարության գործունեության հիմնական ուղղությունները, արձանագրված արդյունքները եւ 2017 թ. հիմնական անելիքները: Ներկայացնելով հաշվետու տարվա արտակարգ դեպքերի վիճակագրության պատկերը՝ ՓԾ տնօրենը նշեց, որ 2016թ. ընթացքում գրանցված արտակարգ դեպքերը նվազել են 13.4%-ով, զոհերի թիվը նվազել է՝ 20%-ով:

Հանրապետության հանրապետական նշանակության ճանապարհներին ձմռան ամիսներին ձնաբքի հետեւանքով արգելափակված քաղաքացիներին արագ եւ արդյունավետ օգնություն ցուցաբերելու նպատակով 2016թ. հունվար-փետրվար ամիսներին, այնուհետեւ դեկտեմբերի 27-ից սկսած՝ ՀՀ Սյունիքի, Գեղարքունիքի եւ Արագածոտնի մարզերում ծավալվել են ժամանակավոր շուրջօրյա հենակետեր:

Հաշվետու ժամանակահատվածում օպերատիվ-տակտիկական նախապատրաստման ուղղությամբ անցկացվել են հրամանատարաշտաբային, շտաբային, հատուկ տակտիկական եւ այլ բնույթի ուսումնավարժություններ: Մ. Ղազարյանի խոսքով՝ առավել կարեւորվել են ՔՊ ստորաբաժանումների ստեղծման եւ զարգացման հիմնախդիրները: «911» ծառայությունում ներդրվել է «911 SOS» ահազանգման հավելվածը եւ «911» ծառայություն՝ SMS-ի միջոցով տեղեկատվություն փոխանցելու համակարգը, ինչի շնորհիվ զգալիորեն պարզեցվել է հատուկ կարիքավոր մարդկանց օգնություն հայցելու գործընթացը: