Սեւանի քաղաքապետարանի աշխատակազմի ճարտարապետա-շինարարական բաժնի պետ Արտաշես Բադալյանին մեղադրանք է առաջադրվել։
Ըստ մեղադրական եզրակացության՝ Բադալյանը ծառայության նկատմամբ անփույթ վերաբերմունքի հետեւանքով ոչ պատշաճ է կատարել իր վրա դրված պարտականությունները, ինչի հետեւանքով Սեւան համայնքին պաշտոնեական անփութությամբ պատճառել է էական վնաս։
Արտաշես Բադալյանին մեղադրանք է առաջադրվել Քրեական օրենսգրքի 315–րդ հոդվածի 1–ին մասով։ Խափանման միջոց է ընտրվել ստորագրություն չհեռանալու մասին։
Գործը քննվում է Գեղարքունիքի մարզի ընդհանուր իրավասության դատարանում։
