Գիտնականները նախազգուշացնում են Երկրի արբանյակների եւ տիեզերական աղբի օբյեկտների բախման աճող վտանգի մասին: Դա կարող է վտանգավոր լինել երկրային մի շարք ծառայությունների, օրինակ՝ կապի եւ եղանակի կանխատեսման ոլորտում աշխատողների համար:

Euronews-ի փոխանցմամբ՝ Եվրոպական տիեզերական գործակալության մասնագետները հավաքվել են Բեռլինում՝ այդ խնդրին լուծում գտնելու համար: Ներկայում Երկրի ուղեծրի շուրջ ավելի քան 750 հազար փոքր օբյեկտ է պտտվում:

Գիտնականները հույս ունեն առաջիկայում տիեզերական աղբը հավաքելու եւ վերամշակելու միջոցներ գտնել: Միաժամանակ, մասնագետները մտավախություն ունեն, որ այս ծրագրի ձախողումը կարող է հանգեցնել ուղեծրում ավելի մեծ քանակությամբ անկառավարելի բեկորների առաջացման: