ԵԽԽՎ-ն (Եվրոպայի խորհրդի խորհրդարանական վեհաժողով) բանաձեւ է ընդունել ըստ սեռական խտրականության կին փախստականներին բռնությունից պաշտպանելու վերաբերյալ։

Բանաձեւն ընդունվել է Ավստրիայի պատվիրակ Գիզելա Վուրմի նախապատրաստած զեկույցի հիման վրա։

Փաստաթղթում նշվում է, որ բոլոր կանանց համար բռնությունից պաշտպանության ապահովումը պետք է առաջնային լինի՝ անկախ նրանց կարգավիճակից։ Փախստականներին օգնության պաշտպանության պատասխանատվությունը չի սահմանափակվում նշանակման երկրներում բռնության դեպքերով։ Կանայք պետք է ադեկվատ օգնություն ստանան, որպեսզի հաղթահարեն իրենց երկրներում ստացած ֆիզիկական ու հոգեբանական վնասների հետեւանքները։

Խորհրդարանականների խոսքով՝ փախստականների ճգնաժամի գենդերային ասպեկտը զգալի մակարդակով անտեսվում է, սակայն շատ փախստական կանայք բռնության են ենթարկվել ու ստիպողաբար մարմնավաճառությամբ զբաղվել՝ դառնալով սեռական ստրկության զոհեր։

Խորհրդարանականները Եվրոպայի խորհրդի անդամ երկրներին եւ դիտորդի կարգավիճակ ունեցող երկրներին կոչ են արել անհապաղ ստորագրել ու վավերացնել Եվրոպայի խորհրդի՝ կանանց նկատամամբ բռնությունը կանխելու ու մարդկանց վաճառքի դեմ պայքարելու կոնվենցիան։