Խմբավորման հաքերները հայտնել են, որ որոշել են պայքարել այն  կայքերի դեմ, որոնք լրտեսում են անհավատրիմ ամուսիններին , աշխատողներին, նաեւ երեխաներին։ Հաքերների կարծիքով նման տեղեկատվություն վաճառելը պարզապես անբարոյականություն է, հայտնում է Oane–ը։

Առաջինը հարձակման է ենթարկվել FlexiSpy սերվիսը,հաքերները առանց դժվարության կոտրել են այն, առեւանգել փաստաթղթերը ու հրապարակել դրանք։ Այդ լրտեսական ծրագիրը թույլ է տալիս ձայնագրել լրտեսման օբյեկտի բոլոր զանգերը, նաեւ հետեւել նրա գտնվելու վայրին։

Հաքերները հայտնել են , որ կարող են հեշտությամբ հարձակվել ցանկացած այլ նման կայքի վրա, ու իրենց գողացած տեղեկությունները օգտագործել իրենց նպատակների համար, սակայն նրանք անթույլատրելի են համարում նմանատեսակ տեղեկությունների վաճառքը։ Ըստ երեւույթին հաքերների թիրախում է հայտնվել նաեւ Retina-X սերվիսը։ Ի դեպ այդ երկու հիշատակված հավելվածներից լրտեսման նպատակներով օգտվում է մոտ 130 հազար մարդ։