Բուլղարիան կարելի է համարել ամենաէժան երկիրը,եթե խոսքը գարեջրի գների մասին է։ FX Travelex կայքի իրականացրած նոր հետազոտությունը ցույց է տվել, որ այստեղ կես լիտր գարեջուրը կարելի է ձեռք բերել 1․26 դոլարով։ Բուլղարիային այս վարկանիշում հաջորդում են Չեխիան, Մեքսիկան, Պորտուգալիան ու Թաիլանդը։ Գարեջուր ձեռք բերելու առումով ամենաթանկ երկիրը Արաբական միացյալ էմիրություններն են, որտեղ գարեջրի միջին գինը կազմում է 11․4 դոլար կես լիտրի դիմաց։ Գարեջուրը թանկ է նաև Նորվեգիայում, Շվեյցարիայում, Շվեդիայում, Դանիայում ու Ֆինլանդիայում։ Փորձագետները նման եզրակացությունների են հանգել՝ համեմատելով 32 երկրներում կես լիտր գարեջրի միջին գները։