Բելգիայի դատարանն ազատել է Կատալոնիայի նախկին ղեկավար Կառլես Պուչդեմոնին եւ Կատալոնիայի 4 նախկին նախարարներին, որոնք կալանքի տակ էին վերցվել, հայտնում է El Pais-ը:
Նոյեմբերի 5-ին Պուչդեմոնը եւ Կատալոնիայի կառավարության նախկին անդամները հանձնվել էին Բելգիայի ոստիկանությանը: Ավելի վաղ Իսպանիայի դատարանը Պուչդեմոնին եւ նրա կառավարության նախկին անդամներին կալանավորելու եվրոպական օրդեր էր տվել:
Հաղորդվում է, որ դատավորը նախկին պաշտոնյաներին արգելանքի ներքո պահելու պատճառ չի տեսել եւ նրանց ազատել է: Այդուհանդերձ, նրանք պետք է մնան Բելգիայի տարածքում մինչեւ Իսպանիա ուղարկվելը:
Հիշեցնենք, որ Կատալոնիայի առաջնորդ Կառլես Պուչդեմոնը Բրյուսել էր փախել այն բանից հետո, երբ Իսպանիայի գլխավոր դատախազը հայտարարել էր կատալոնացի քաղաքական գործիչների դեմ խռովության եւ պետական միջոցների վատնման մեղադրանքով հայց ներկայացնելու մասին: