Պիլու անունով սեւ եւ սպիտակ կատուն իր տիրուհուց 1.5 մլն եվրոյի ժառանգություն է ստացել, հաղորդում է Corriere della Sera-ն:
Կատվի տիրուհու անունը Չեչիլիա Աննա էր: Ամբողջ կյանքում նա աշխատել է Իտալիայի Նախարարների խորհրդի աշխատակազմում: Կինը մահացել է 88 տարեկանում: Նա ժառանգներ չուներ եւ մահից առաջ կատվի համար կտակ էր գրել:
«Գիտակից վիճակում եւ լիովին առողջ լինելով հայտնում եմ, որ ուզում եմ իր կարողությունը Պիլու անունով կատվին թողնել», - գրել է նա:
Ուեցվածքի կարգադրիչ է դարձել ներդրողների հիմնադրամը, որին դիմել էր տիրուհին: Հիմնադրամը Պիլուի համար տեր է փնտրում: Ճիշտ է, նոր տերերը կատվի ունեցվածքը տնօրինելու իրավունք չեն ունենա եւ պետք է հաշվետվություն ներկայացնեն նրան պահելու ծախսերի համար:
