Փետրվարի 12-ին մահացած զինծառայող Ֆրունզիկ Վալերիի Թամազյանը ծառայության ընթացքում ոչ մի բողոք չի ունեցել: Այս մասին NEWS.am-ի հետ զրույցում ասաց պաշտպանության նախարարի մամուլի խոսնակ Արծրուն Հովհաննիսյանը. «Ուսումնական զորամասն ավարտելուց հետո հունվարի 11-ին արձակուրդից մեկնել է զորամաս, հունվարի 28-ին ծնունդն է եղել, հունվարի 27-ին ծնողները գնացել են իր մոտ, երկու-երեք օրով թողել են ծնողների հետ ժամանակ անցկացնելու, ոչ մի խնդիր, ոչ մի բողոք չի ունեցել այս ընթացքում եւ այս դեպքը»,-ասաց նա:

Արծրուն Հովհաննիսյանը փոխանցեց, որ առողջական խնդիրների վերաբերյալ այլ մանրամասներ պարզ կլինեն քննությունից հետո: Այժմ երրորդ կայազորային քննչական բաժնում ձեռնարկվում են անհրաժեշտ քննչական եւ դատավարական  գործողությունները՝ դեպքի բազմակողմանի, լրիվ եւ օբյեկտիվ հետազոտումն ապահովելու ուղղությամբ:

Հիշեցնենք , որ 2019թ. փետրվարի 12-ին` ժամը 18։00-ին, N զորամասի պարտադիր ժամկետային զինծառայող, շարքային Ֆրունզիկ Վալերիկի Թամազյանը տեղափոխվել էր  Մարտակերտի զինվորական հոսպիտալ՝ թոքային զարկերակի տրոմբոեմբոլիա, սուր շնչառական անբավարարություն 3-րդ աստիճանի եւ արդիոգեն շոկ, նախասրտերի թրթռման պարոքսիզմ, լյարդային անբավարարություն, սրտի կանգ, վիճակը ծայրահեղ ծանր նախնական ախտորոշմամբ, որտեղ ժամը 20։27-ին զինծառայողի մոտ գրանցվել է կենսաբանական մահ։