«Մերկ Մոնա Լիզան» նկարը ստեղծվել է Լեոնարդո Դա Վինչիի արվեստանոցում, եւ գուցե հենց նկարչի կողմից՝ հայտնում է France 24-ը։
«Մեծ հավանականություն կա, որ Լեոնարդոն է ստեղծել նկարի մեծ մասը»,- ասել է փարիզյան թանգարանի համակարգող Մատյե Դելդիկը։
Նրա խոսքերով, ուսումնասիրությունները ցույց են տվել, որ նկարի հեղինակը ձախլիկ է եղել, ինչպես Լեոնարդոն։
Նկարը 1862-ից պահպանվում է Կոնդեի թանգարանում, որը մի ժամանակ Ֆրանսիայի հայտնի ընտանիքներից մեկի տունն է եղել։ 2019թ․ վերջին, Դա Վինչիի մահվան 500-ամյա տարելիցի կապակցությամբ ստեղծագործությունը կցուցադրվի Շանտիլյիի ցուցահանդեսում։