News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը

Հյուսիսային Դակոտայի բնակիչն իրեն մեղավոր է ճանաչել մի կնոջ սպանելու փորձի մեջ, քանի որ համարել է, թե «նա կախարդ» է, հայտնում է Fox News-ը։

Ակմալ Ռաշիդովիչ Ազիզովը 2018թ․ սեպտեմբերին հետապնդել է Հյուսիսային Դակոտայի համալսարանի ուսանողուհուն՝ նրա վրա հարձակվելու եւ սպանելու ակնհայտ մտադրությամբ։ Հրապարակված զեկույցների համաձայն, նա իշխանություններին խոստովանել է, որ մի քանի շաբաթ հետեւել է կնոջը այն բանից հետո, երբ համոզվել է, որ նա չար է։

Ազիզովը քննիչներին ասել է, թե «պարտավոր էր սպանել նրան»։ Նա համացանցում հազվագյուտ արծաթե դանակ է գնել, քանի որ մտածել է, թե արծաթը նրան սպանելու միակ միջոցն է, եւ հետեւել է կնոջը մինչեւ նրա բնակարան։ Ազիզովի խոսքերով, ինքը «կորցրել է ինքնատիրապետումը» եւ կնոջ վրա այն ժամանակ չի հարձակվել, սակայն հետո վերադարձել եւ արել է դա։ Զոհին հաջողվել է փախչել։

Ազիզովն իրեն մեղավոր է ճանաչել սպանության փորձի, եւ հետապնդման մեջ։ Նրա փաստաբանը պնդում է, որ նա շիզոֆրենիկ է եւ ԱՄՆ քաղաքացի չէ։ Նրան դատավճռից հետո կարող են արտաքսել Ուզբեկստան։ Անօրինական միգրանտները եւ փաստաթղթեր ունեցող միգրանտները հանցագործություն կատարելու դեպքում արտաքսվում են իրենց երկիր։ Նրան 20 տարվա ազատազրկում է սպառնում։

!
Այս նյութը հասանելի է նաև   Русский
Տպել
Ֆոտոռեպորտաժներ