Հարկերի հավաքագրման բարձր ցուցանիշները կապահովվեն ստվերային տնտեսության կրճատման հաշվին: Այս մասին նոյեմբերի 14-ին ԱԺ նիստում 2020-ի պետբյուջեի նախագծի քննարկման ընթացքում հայտարարեց ՀՀ Կենտրոնական բանկի նախագահ Արթուր Ջավադյանը:
Բացի այդ, նրա խոսքով, ՀՆԱ-ի նկատմամբ պետբյուջեի ծախսերը կավելանան 2 տոկոսային կետով՝ կապված կապիտալ ծախսերի կանխատեսվող զգալի ավելացման հետ: Այդպիսով, կապիտալ ծախսերը կավելանան 2,2 տոկոսային կետով եւ կկազմեն ՀՆԱ 5%:
«Չնայած նրան, որ 2020 թվականին պետական պարտքը կշարունակի նվազել, ծառայությունների մասնաբաժինը նախկինի պես բարձր կմնա: Այդ դեպքում կարեւոր է բարելավել պարտքի կառուցվածքը, մասնավորապես, արտաքին պարտքը փոխարինել ներքին պարտքով»,- նշեց ԿԲ նախագահը:
