News
Լրահոս
News
Երկուշաբթի
Սեպտեմբեր 27
Տեսնել լրահոսը

Facebook, Twitter եւ Instagram սոցիալական ցանցերի արաբական էջերը լի են նոր կորոնավիրուսի մասին կեղծ լուրերով՝ սկսած անճշտություններից մինչեւ բազմաթիվ դավադրության տեսություններ, հաղորդում է AFP-ը։

Քանի դեռ իշխանությունները փորձում են հաղթահարել նոր կորոնավիրուսի տարածումը, ամբողջ Մերձավոր Արեւելքի տարածքում ակտիվիստները զարգացնում են արաբական «ինֆոդեմիայի» դեմ պայքարը, որը, նրանց խոսքով, նույնչափ վտանգավոր է, ինչպես եւ վարակը։

«Մենք շտկում ենք լուրերն ու փրկում կյանքեր»,-ասել է Tech 4 Peace-ից իրաքցի ակտիվիստ Բահեր Ջասեմը։ Ամեն օր մի քանի անգամ Facebook, Instagram եւ Twitter ցանցերում հրապարակվում են վիրուսի մասին կեղծ լուրերով սքրինշոթեր՝ սկսած նոր դեղամիջոցների մասին հայտարարություններից մինչեւ հիվանդության հետեւանքով հայտնիների մահը։

Նկարների վրա կարմիրով նշված է՝ «Կեղծ գրառում» եւ ուղեկցվում է տեղեկատվության ուղղումներով եւ ճիշտ տեղեկություններ ստանալու համար հղումներով։ Նրանց օգտահաշիվներն ունեն ընդհուպ մինչեւ մի քանի միլիոն հետեւորդ։

«Մենք ոչ միայն ցանկանում ենք բացահայտել կեղծիքը։ Մենք ցանկանում ենք տարածել տեղեկատվություն կորոնավիրուսի մասին, թե ինչպես պետք է պաշտպանվել, որոնք են սխալ դեղամիջոցները»,-ասել է Ջասեմը։

Տարածաշրջանում, կարծես, COVID-19-ի բռնկում է, որից խուսափում էին երկար ժամանակ։

Իրաքում բժիշկները մեղադրում են առցանց ապատեղեկատվությունը․ նրանց պացիենտները պնդում են, որ կորոնավիրուսն ամերիկյան դավադրություն է, կամ մարդիկ իրականում մահանում են գազային հարձակման հետեւանքով, կամ որ տապն Իրաքում կդադարեցնի վիրուսի տարածումը։

Բժիշկներն ասում են, որ այդպիսի սուտ տեղեկատվությոնը կարող է կրճատել հավանականությունը, որ մարդիկ կկրեն դիմակներ, կպահպանեն սոցիալական հեռավորությունը կամ պարբերաբար կլվանան ձեռքերը։

Ակտիվիստների խոսքով՝ COVID-19-ի մասին ապատեղեկատվությունը տարածվում է մի քանի լեզվով համավարակի ամբողջ ընթացքում, սակայն արաբերենով տեղեկատվությունը հատկապես վտանգավոր է։

Իսկապես, «Լրագրողներ առանց սահմանների» կազմակերպությունը մատնանշել է 2020 թվականին Մերձավոր Արեւելքում իշխանությունների կողմից ԶԼՄ-ների նկատմամբ խստացումները, մասնավորապես, կորոնավիրուսին վերաբերող տեղեկատվության հարցում։

Արդյունքում, ակտիվիստների խոսքով՝ տեղեկատվությունը սպառողները կասկածանքով են վերաբերվում ավանդական ԶԼՄ-ներին եւ ավելի շատ են հավատում դավադրության տեսություններին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՀԿ-ն կվերսկսի կորոնավիրուսի ծագման հետաքննությունը
Առողջապահության համաշխարհային կազմակերպությունը մտադիր է վերսկսել կորոնավիրուսի ծագման հետաքննությունը...
Վրաստանում մեկ օրում կորոնավիրուսով վարակվածների թիվն ավելացել է 663-ով
Միեւնույն ժամանակ, անցած 24 ժամվա ընթացքում 2383 մարդ է ապաքինվել, համաճարակի սկզբից 578 881 մարդ մահացել է․․․
Վիետնամցին դատապարտվել է ազատազրկման կորոնավիրուսի տարածման համար
Հուլիսին 39-ամյա Ֆան Վան Խոան բեռնատարով ուղեւորվել է Խոշիմինից իր հայրենի քաղաք...
Ֆրանսիան կկրկնապատկի պատվաստանյութերը, որոնք տրամադրվում են աղքատ երկրներին
Գործակալության տվյալներով՝ Ֆրանսիան ընդհանուր առմամբ կփոխանցի 120 միլիոն դեղաչափ, ինչը երկու անգամ գերազանցում է խոստացված քանակությունը...
Պետությունն ասում է` կամ պետք է համակերպվես անձնական անձեռնմխելիության իրավունքի սահմանափակման հետ, կամ էլ պետք է վճարես
Այս պայմաններում միակ ողջամիտ լուծումը, որ կարող է լինել, դա պարզապես թեստն անվճար դարձնելն է այդ մարդկանց համար…
Ռուսաստանում մեկ շաբաթվա ընթացքում գրանցվել է 5 682 մահվան դեպք քովիդի հետեւանքով
Նախորդ առավելագույն ցուցանիշը 5 618 մահվան դեպքն էր մեկ շաբաթում, որը գրանցվել էր օգոստոսի կեսերին...
Ամենաշատ