News
Լրահոս
News
Երեքշաբթի
Հուլիս 27
Տեսնել լրահոսը

Այսօր տեղի է ունեցել մի տհաճ միջադեպ, որը մենք դիտարկում ենք ոչ թե պատահականություն, այլ ուղղորդված քաղաքականություն Հանրային հեռուստաընկերության կողմից: Այս մասին այսօր՝ հունիսի 12-ին, հրատապ մամուլի ասուլիսի ժամանակ հայտարարեց ՀՀԿ փոխնախագահ Արմեն Աշոտյանը:

«Այսօր «Պատիվ ունեմ» դաշինքը Հանրային հեռուստաընկերություն է ներկայացրել իր նախընտրական քարոզչական հոլովակը, ինչպես մնացած բոլոր ուժերը, որոնք օգտվում են Հանրայինի կողմից տրամադրված անվճար ու վճարովի եթերաժամից: Այս միջադեպն առաջինը չէ, առաջինը եղել է երեկ: Այսօր հերթական անգամ Հանրային հեռուստաընկերությունը հորինված պատճառներով մերժել է «Պատիվ ունեմ» դաշինքի քարոզչական տեսահոլովակների հեռարձակումը, ինչը պարտավոր է անել օրենքով, պարտավոր է անել այն պայմանագրով, որը կնքված է մեր նախընտրական շտաբի հետ, որի համար վճարված է ամբողջությամբ՝ ինչպես մեր քաղաքացիների մուծած հարկերից, այնպես էլ մեր նախընտրական հիմնարկի կողմից»,-հայտարարեց Աշոտյանը:

Նա ընդգծեց, որ այսօրվա տեսահոլովակում հատվածներ կան Սերժ Սարգսյանի մի շարք ելույթներից, որտեղ, մասնավորապես նա խոսում է այն մասին, որ շուտով կազինոնների մասին ստերը մտցվելու են նրա բերանը. «Բոլորը տեսել են դա: Հանրային հեռուստաընկերության ցենզորներն այդ հատվածի պատճառով մերժել են մեր տեսահոլովակի հեռարձակումը:

Երկրորդ պատճառն այն է, որ այս տեսահոլովակում կար նաեւ հատված, որը վերաբերում է Հայաստանի ամենաատելի օլիգարխ Գռզոյին (Խաչատուր Սուքիասյան - խմբ), որը հանգրվանել է վիժվածքի, ուսապարկերի ցուցակի 5-րդ համարում: Այնտեղ կար հատված, որ Գռզոն Հայաստանի ամենաատելի օլիգարխն է:

Եթե առաջին հատվածը Հանրայինը մերժել է որպես իբր վիրավորանք, երկրորդը մերժել է որպես զրպարտություն:

Տարակուսելի է, որ Հանրային հեռուստաընկերությունն իրեն դրել է դատական իշխանության տեղ ու ինքն է որոշում՝ այս կամ այն դրվագը պարունակո՞ւմ է վիրավորանք, թե՝ ոչ, պարունակո՞ւմ է զրպարտություն, թե՝ ոչ և ինքն է որոշում՝ արդյոք այս կամ այն քաղաքական ուժը կարո՞ղ է օգտվել իր ազատ խոսքի իրավունքից և հանրությանը հասցնել քաղաքական գնահատականներ այս կամ օդիոզ կերպարի մասին՝ վիժվածք վարչապետից մինչև օլիգարխ Գռզո»,-ասաց ՀՀԿ փոխնախագահը:

Աշոտյանն ասաց, որ այս ամենն ունի նաև շարունակություն. «Հանրային հեռուստաընկերությունը նշանակել է ինչ-որ իրավաբանի, որի հետ մեր շտաբի իրավաբանները պետք է բանակցեին, բացատրեին, որ Հանրայինը չունի իրավունք որակելու այս կամ այն կերպ մեր քարոզչական հոլովակներն ու բոլորի համար ակնհայտ է, որ այս գործը դատական իշխանության գործն է: Որ Հանրային պարտականությունն է անխափան հեռարձակել մեր տված տեսահոլովակները, որոնց համար վճարված է իմ աշխատավարձից՝ որպես ՀՀ քաղաքացի, և նաև մեր հիմնադրամի միջոցներից:

Հանրայինի այս պահվածքը պարզապես զարհուրելի է, հատկապես երբ հաշվի ենք առնում այն, որ օլիգարխ Գռզոն իր տարաբնույթ մանկլավիկների միջոցով Հանրայինի վրա ունի հստակ ազդեցություն: Այդ մանկլավիկները նույնպես վիժվածքի նախընտրական ցուցակում են:

Իմ ունեցած տեղեկություններով եւ վիժվածք Փաշինյանը, եւ Գռզոյի մանկլավիկները ճնշում եմ գործադրել Հանրայինի վրա, որ Փաշինյանի ու Գռզոյի վերաբերյալ հատվածները եթեր չգնան: Հանրայինը, քիչ է, որ վերջին 7 ամիսներին վերածվել է «Ազեր TV»-ի, հիմա նաև «ԳՌԶՈ TV» է աշխատում և ընտրողաբար խափանում է քաղաքական ուժերի, այս դեպքում «Պատիվ ունեմ» դաշինքի քարոզարշավն ու ազատ խոսքի իրավունքը»,-հայտարարեց Աշոտյանը:

Նա նաեւ հավելեց, որ դրանից մեկ օր առաջ նմանատիպ մի պատրվակով իրենց խնդրել էին փոխել տեսահոլովակը, որտեղ Սերժ Սարգսյանը տեսահովովակում ասում է, տո այ անասուն»: «Հետաքրքիր է, որ Հանրայինը հասկացել է, որ դա վերաբերում է Նիկոլին, թեպետ նրա անունը չկար: Մենք չուզենալով սրել իրավիճակը, մենք գնացինք զիջման եւ համաձայնել ենք, որ «անասուն» բառը կտրվի: Բայց այսօր տեղի ունեցածից հետո չենք պատրաստվում լռել: Այսօօր մենք քաաղաքական գովազդ չենք հեռարձակելու Հանրայինի եթերում Հանրայինի պատճառով, որովհետեւ նա մերժել է մեր հոլովակի ընդունումը: Մենք սա գնահատում ենք որպես օլիգարխոկրատիայի դրսեւորում, որպես Հանրայինի Նիկոլ Փաշինյանի գրպանում ծվարած մի ոջիլի գոյություն, որպես Հնարայինի կողմից խտրական, հակաժողովրդավարական քաղաքականության իրականացում»,-ասաց նա:

Աշոտյանը նկատեց, որ «օլիգարխ Գռզոյի» զանգով Հանրայինը փոխում է եթերային քաղաքականությունը: «Փաստորեն նրանք դիտավորյան խոչընդոտում են մեր քարոզարշավը: Սա ակնհայտ ցենզուրա է, սելեկտիվ մոտեցում, խոչընդոտ, ինքնիրավչություն, օլիգարխոկրատիա: Այս 5 պիտակները ես ճպպացնում են Հանրայինի ճակատին»:

Աշոտյանը նկատեց, որ երեք օր առաջ ՔՊ-ականները բաց տեքստով քաղաքական գովազդ են թողարկել, որտեղ իրենց անվանում է ռոբասերժական խունտա, մեղադրում են Հոկտեմբերի 27-ի մեջ, եւ Հանրայինում ոչ ոք դա զրպարտություն կամ վիրավորանք չի համարել:

«Այսօր մեր շտաբը հրավիրել է ԵԱՀԿ/ԺՀՄԻԳ-ի դիտորդական առաքելության ներկայացուցիչներին եւ ես շնորհակալ եմ, որ նրանք օպերատիվ արձագանքել են: Երբ որ ստանանք գրավոր բացատրություն այսօրվա միջադեպի, Դաշինքը քննարկելու է դատարան դիմելու հեռանկարները»,-ասաց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հայաստան» դաշինքը «Պատիվ ունեմի» հետ քննարկումներից հետո հանդես կգա ԱԺ փոխխոսնակի միասնական թեկնածուով․ Ի․ Սաղաթելյան
Մենք «Պատիվ ունեմ» դաշինքին համարում ենք մեր բնական դաշնակիցը․․․
Ինչո՞ւ ձեններդ չի լսվում․ ստեղ մանդատ վերցնելու խնդիր էր․ սկսում եմ ընդդիմությունից հիասթափվել. Գ.Պետրոսյան
Որոշ իրավաբաններ ինձ հակադրվում էին, ասում էին ԱԺ լուծարման հիմք չկա, այսինքն եթե ընդդիմություն չլինի, ԱԺ-ն մեխանիկորեն չի լուծարվում...
Ավարտվել է ընտրողներին կաշառք տալու և կաշառք ստանալու փաստով քննված ևս մեկ քրեական գործի նախաքննություն. ՀՔԾ
Մասնավորապես, «Պատիվ ունեմ» կուսակցությունների դաշինքի նախընտրական շտաբում աշխատող Գ. Նավոյանը 2021 թվականի հունիսի 18-ին բժշկական օգնություն...
Ընտրական հանցագործություններով հարուցվել է 78 քրգործ՝ 83 անձի նկատմամբ, 7 գործ ուղարկվել է դատարան. Դատախազություն
Մասնավորապես, քրեադատավարական կարգով նյութեր նախապատրաստելու նպատակով նախաքննության և հետաքննության մարմիններին ուղարկված…
Սյունիքի կալանավորված համայնքապետերին տեսակցելն արգելված է անգամ ԱԺ պատգամավորներին․ Ռոբերտ Հայրապետյան
Բաբաջանյան Արմանը Նաիրի Հունանյանին տեսակցել էր․․․
Այս ամենից հետո սենտիմենտալ դաշտ տեղափոխվելը ձեռառնոցի է.Սոս Հակոբյանը՝ Փաշինյանի շնորհավորանքին արձագանքելու մասին
Այդ մշակույթը ներմուծողն ու տարածողը այդ նույն մարդն է...
Ամենաշատ