նախընտրելի դարձնել
Այսօրվա Եվրոպական քաղաքական համայնքի գագաթնաժողովը Երևանում պետք է դառնա հստակ ազդանշան այն մասին, որ տրանսատլանտյան կապերն ու եվրոպա-ամերիկյան բարեկամությունը մեր ընդհանուր պատասխանատվությունն են, X սոցիալական ցանցում գրել է Լեհաստանի վարչապետ Դոնալդ Տուսկը։
Ըստ Լեհաստանի վարչապետի, սրան այլընտրանք չկա։
«Մենք միմյանց կարիքն ունենք առավել, քան երբևէ։ Մեր դաշնակիցները միշտ կարող են հույս դնել Լեհաստանի վրա»,- նշել է նա։
Today’s EPC Summit in Yerevan should send a clear signal that transatlantic bonds and the European-American friendship are our common responsibility. And that there is no alternative to this. We need each other more than ever before. Our allies can always count on Poland.
— Donald Tusk (@donaldtusk) May 3, 2026
Ավելի ուշ Տուսկը հայտնել է Երևանում Կանադայի վարչապետ Մարկ Քարնիի և Մեծ Բրիտանիայի վարչապետ Քիր Սթարմերի հետ բանակցությունների մասին։
Լեհաստանի վարչապետի հաղորդմամբ, նա Քարնիի հետ քննարկել է տնտեսական, էներգետիկ և ռազմական համագործակցությունը։
Իսկ բրիտանացի վարչապետի հետ Տուսկը վարել է բանակցություններ անվտանգության, տրանսատլանտյան հարաբերությունների և տնտեսության հարցերի շուրջ։
