Նախընտրելի
Գերմանիան և Եվրամիությունը (ԵՄ) չպետք է Հայաստանը դնեն Եվրոպայի և Ռուսաստանի միջև արհեստական ընտրության առաջ։ Այս մասին «Известия»-ին հայտարարել է Բունդեսթագի պատգամավոր Մաթիաս Մոսդորֆը։
«Բունդեսթագի պատգամավորները, իհարկե, բարձրացնում են հնարավոր հանրաքվեի հարցը։ Սակայն որոշիչ նշանակություն ունի այն, որ նման որոշումը մնում է բացառապես հայ ժողովրդի իրավասության ներքո», — նշել է նա։
Նրա խոսքով՝ Գերմանիան և Եվրամիությունը չպետք է երկիրը դնեն Եվրոպայի և Ռուսաստանի միջև արհեստական ընտրության առաջ։ Նա կարծում է, որ հանրապետության «հատուկ ուժը» հենց նրա քաղաքական հավասարահեռության և միաժամանակ ԵՄ-ի, Ռուսաստանի և այլ գործընկերների հետ հարաբերություններ պահպանելու կարողության մեջ է։
