նախընտրելի դարձնելԵրեւանում, հունիսի 5-13-ին, «Հայ-Արտ» մշակութային կենտրոնում կգործի ցուցահանդես-վաճառք, որից ստացված գումարները կտրամադրվել 22-ամյա նկարչուհի Նելլի Ադամյանի բուժմանը, ով տառապում է սուր լեյկոզ հիվանդությամբ եւ այժմ գտնվում է Մոսկվայում:
Բժիշկները հավաստում են, որ ոսկրածուծի փոխպատվաստման վիրահատությունը բուժման միակ տարբերակն է եւ մեծ ծախսերի հետ է կապված:
Ադամյանների ընտանիքը հնարավորություն չունի գումար տրամադրել եւ փրկել Նելիի կյանքը:
Երեւանի քաղաքապետարանի «Հայ- Արտ» մշակութային կենտրոնը ներկայացնում է Նելիի հասակակից 22-ամյա նկարչուհի Հերմինե Լալայանի գեղանկարչական ցուցահանդես- վաճառքը` ի նպաստ արվեստակից ընկերուհու բուժման ու ապաքինման:
Ցուցահանդեսի հեղինակը` Հերմինեն (Սյունիքի մարզ, ք. Գորիս), հավատում է, որ բոլորիս զորակցությունը կփրկի իրեն անծանոթ ու սիրելի նկարչուհու կյանքը:
