Միացյալ Թագավորության դեսպան Քեթի Լիչն այսօր` դեկտեմբերի 7-ին ցավակցական նամակ է հղել ՀՀ Արտաքին գործերի նախարար Էդվարդ Նալբանդյանին: Նամակում մասնավորապես ասվում է՝

«Հարգելի պարոն նախարար

Ինձ համար աննկարագրելի ցավ է լսել, իմ սիրելի գործընկեր եւ ընկեր դեսպան Կարինե Ղազինյանի վաղաժամ մահվան մասին:

Կարինեն իհարկե տաղանդավոր դիվանագետ էր եւ որպես Արտաքին գործերի փոխնախարար նա մեծ ներդրում ունի Եվրամիություն-Հայաստան հարաբերությունների զարգացման գործում: Բայց նա նաեւ հիանալի անձնավորություն էր, մարդ ում հետ աշխատելը հաճույք էր: Նրա էներգիան, հմայքը եւ նվիրվածությունը գործին  մեծ ազդեցություն ունեցան Լոնդոնում նրա գտնվելու հենց առաջին օրվանից: Այս տարի նոյեմբերին նրա շնորհիվ Լոնդոնում կազմակերպվեցին տարբեր միջոցառումներ նվիրված հայ-բրիտանական հարաբերությունների հաստատման 20 ամյակին:   Նա լեցուն էր գաղափարներով եւ անվերջ մտածում էր մեր երկրների միջեւ հարաբերությունների զարգացման մասին:

Խնդրում եմ ընդունեք իմ եւ Հայաստանի ու Լոնդոնի իմ գործընկերների ցավակցությունը  Կարինեի վաղաժամ մահվան կապակցությամբ: Մեր մտքերը նրա ընտանիքի անդամների եւ ընկերների հետ են»:

Լուսանկարը՝  Արսեն Սարգսյանի/NEWS.am