Երկուսից վեց տարվա ազատազրկման դատապարտված Հայ ազգային կոնգրեսի ակտիվիստներ Տիգրան Առաքելյանի, Սարգիս Գեւորգյանի, Արտակ Կարապետյանի եւ Դավիթ Քիրամիջյանի գործով երեկ դիմում է ներկայացվել Վճռաբեկ դատարան: Այդ մասին գրում է «Հայկական ժամանակ» թերթը։

«Նոյեմբերի 13-ին Վերաքննիչ քրեական դատարանի դատավոր Արմեն Դանիելյանը մերժել էր Հայ ազգային կոնգրեսի եիիտասարդ ակտիվիստներին 2-6 տարվա ազատազրկման դատապարտելու մասին առաջին ատյանի դատավճիռը բեկանելու դիմումը: Վճռաբեկ դատարանն այս դիմումը վաըույթ ընդունելու կամ մերժելու որոշումը պետք է կայացնի մեկամսյա ժամկետում: Նշենք, որ եթե Վճռաբեկ բողոքը երեկ չներկայացվեր, արդեն այսօր առաջին ատյանի դատարանի դատավճիռն ուժի մեջ կմտներ, եւ ստորագրությամբ ազատության մեջ գտնվող Սարգիս Գեւորգյանը, Արտակ Կարապետյանը եւ Դավիթ Քիրամիջյանն այսօր կկալանավորվեին»,- գրում է «Հայկական ժամանակը»։