նախընտրելի դարձնելՌուսաստանում նախորդ օրերի ընթացքում սառնամանիքից տուժել է ավելի քան 150 մարդ, նրանցից 60-ը հոսպտալացվել են։ Երկու մարդ մահացել է։
«ՌԻԱ Նովոստիի» աղբյուրների տվյալներով՝ Ռուսաստանում ցրտերը սկսելուց ի վեր տուժել է 722 մարդ՝ 371-ը հոսպիտալացվել են, 56-ը՝ մահացել։
Սաստիկ սառնամանիքը Ռուսաստանում շարունակվում է արդեն մեկ շաբաթից ավելի (Մոսկվայի - 18 աստիճանից մինչեւ Սիբիրի - 50 աստիճանը)։ Այն արդեն դարձել է մարդկանց մահվան, դպրոցական պարապմունքների դադարեցման, մեքենաների խափանման եւ շինարարության ժամկետների ձգձգման պատճառ։
Ձմեռը սկսվել է նաեւ Ռուսաստանի ամենատաք շրջաններում: Մախաչկալայի օդանավակայնում ուժեղ ձնաբքի պատճառով հետաձգվել է 30 չվերթ. մոտ 3 հազար մարդ չի կարողացել թռչել։
ՆՏՎ-ն հաղորդում է, որ օդերեւութաբանները դեռ չեն կարող ուրախացնել ռուսներին. առաջիկա օրերին եղանակի տաքացում չի սպասվում։ Այսպես, «Հիդրոմետկենտրոնի» կանխատեսումներով՝ Մոսկվայում արտասովոր ցուրտ եղանակը կշարունակվի մինչեւ դեկտեմբերի 24-ը։
