Փետրվարի 9-ին, ժամը 14.14-ին ահազանգ է ստացվել, որ հրդեհ է բռնկվել Երեւանի Արտաշիսյան փողոցի եւ Բագրատունյաց պողոտայի խաչմերուկում` «Մայամի» ռեստորանային համալիրում:

Դեպքի վայր են մեկնել 4 մարտական հաշվարկ եւ մեկ ավտոսանդուղք:

Հրշեջ - փրկարարները հյուրանոցից դուրս են բերել Հնդկաստանի Հանրապետության քաղաքացիներ Բոդուլ Լաքշմանին (ծնվ.1987 թվ.) եւ Վասուդ Դեւին:

Հրդեհը մեկուսացվել է ժամը 14.37-ին, մարվել` 14.51-ին: Այրվել է ռեստորանահյուրանոցային համալիրի տանիքը (100 քմ) եւ 3-րդ հարկի սենյակներից մեկում` գույքը եւ կախովի առաստաղը:

Դեպքի մասին տեղյակ են պահվել էլ. ցանցի եւ «1-02» ծառայության հերթապահները:

Տուժածներ չկան: