նախընտրելի դարձնելԱյսօր՝ ապրիլի 4-ին, Ռումինիայի խորհրդարանի Պատգամավորների պալատի նախագահ Վալերիու Զգոնեան ընդունել է Ռումինիայում Հայաստանի դեսպան Համլետ Գասպարյանին եւ Ռումինիայի Հայոց թեմի առաջնորդ Տ. Տաթեւ եպիսկոպոս Հակոբյանին:
ԱԳՆ մամուլի ծառայությունից NEWS.am-ին հայտնում են, որ ծավալված ջերմ զրույցի ընթացքում զրուցակիցներն անդրադարձել են երկկողմ հարաբերությունների ներկա վիճակին եւ գոհունակությամբ ընդգծել են որոշ ուղղություններով, մասնավորապես՝ գիտության, կրթության եւ մշակույթի ոլորտներում, ծավալվող աշխույժ կապերը, ինչպես նաեւ անցյալ տարվանից սկիզբ առած ապակենտրոնացված մակարդակով համագործակցությունը:
Միջպետական հարաբերությունների զարգացման գործում կարեւորելով խորհրդարանական դիվանագիտության դերը` Վալերիու Զգոնեան պատրաստակամություն է հայտնել նպաստելու Ռումինիայի եւ Հայաստանի խորհրդարանների միջեւ կապերի թարմացմանը եւ խթանմանը` ինչպես երկկողմ փոխայցելությունների, այնպես էլ բարեկամության խմբերի գործունեության միջոցով:
Զրույցի վերջում Վալերիու Զգոնեան խոստացել է առաջին իսկ առիթով այցելել Հայաստան:
