Նախընտրելի
Խաբարովսկում Ամուր գետի ջրի մակարդակը օգոստոսի 28-ի առավոտյան կազմել է 741 սմ: Անցած օրերի ընթացքում գետի ջուրը բարձրացել էր 6 սմ, հայտնում է Խաբարովսկի երկրամասի ԱԻՆ-ի ԳՎ-ն:
Այսպիսով, 1897թ. պատմական առավելագույն մակարդակը՝ 642 սմ-ը, գերազանցվել է գրեթե մեկ մետրով:
Ըստ Շրջակա միջավայրի հիդրոտեսության եւ մոնիտորինգի հեռավորարեւելյան կենտրոնի ճշտված տեղեկության`Ամուր գետում սպասվում է ջրի մակարդակի առավելագույն բարձրացում՝ Խաբարովսկի, Ամուրի Կոմսոմոլսկի, Ամուրի Նիկոլայեւսկի տարածքներում, ինչպես նաեւ Նիկոլայեւսկի, Խաբարովսկի, Նանայի, Ամուրի, Կոմսոմոլսկի եւ Ուլչի շրջաններում, հայտնում է «Ռոսբալտը»:
Հնարավոր է բնակելի տների, շենքերի եւ կառույցների, ճանապարհների առանձին հատվածների, դաշտերի, առանձնատների ջրածածկում:
Խաբարովսկի երկրամասի կառավարությունը Խաբարովսկի, Ամուրի Կոմսոմոլսկի, Ամուրի, Կոմսմոլսկի, Նանայի, Խաբարովսկի տարածքներում օգոստոսի 9-ից արտակարգ դրության ռեժիմ է կիրառում:
