նախընտրելի դարձնել
Ալմաթիի կենտրոնում սեպտեմբերի 26-ի առավոտյան զինված մարդիկ հարձակվել են տուրիստական ընկերության աշխատակիցների վրա. զոհվել է մեկ մարդ, երկրորդը ծանր վիրավորվել է, հաղորդել են հանրապետության ՆԳ դեպարտամենտի մամուլի ծառայությունում:
Ինչպես «Ազատտիք» ռադիոյին հաղորդել է քաղաքի ՆԳԴ մամուլի քարտուղար Երմեկ Բոլտաեւը, տեղի ժամանակով մոտավորապես 9:30 սահմաններում ավազակային հարձակում է իրականացվել Travel Express ընկերության աշխատակիցների վրա: Զոհվել է մեկ մարդ, եւս մեկը վիրավորվել է: Ընկերությունը զբաղվում է ավիա եւ երկաթուղային տոմսերի վաճառքով:
Ալմաթիում այդ կապակցությամբ հատուկ գործողություն է հայտարարվել: Քննչական խումբը պարզում է, թե ընկերության աշխատակիցներից ինչ են գողացել:
