նախընտրելի դարձնել
Երեւանի Շիրվանզադեի փողոցի թիվ 33/19 շենքի նկուղում, այսօր՝ դեկտեմբերի 11-ին, ժամը 10:23-ին, տեղի է ունեցել պայթյուն՝ առանց հրդեհի:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ, հատուկ փրկարարական ջոկատի հերթապահ եւ ՃԿԿ օպերատիվ խմբերը:
Ավելի ուշ ԱԻՆ-ը հաղորդել է, որ շենքի նկուղային հարկում կուտակված գազերի հետեւանքով տեղի է ունեցել պայթյուն: Պայթյունի հետեւանքով փլուզում տեղի չի ունեցել, զոհեր եւ տուժածներ չկան:
Դեպքի մասին տեղեկացվել են «Տեխնիկական անվտանգության ազգային կենտրոն» ՊՈԱԿ-ի տնօրենը, ՃԿԿ-ում ՀՀ առողջապահության, տրանսպորտի եւ կապի, բնապահպանության նախարարությունների պատասխանատուները:
Ըստ որոշ տեղեկությունների՝ պայթյունը գրանցվել է «ԱրմենՏել» ընկերությանը պատկանող տարածքի նկուղային հարկում:
