Դեկտեմբերի 11-ին, ժամը 16.00-ի սահմաններում, «ԲՄՎ 525» մակնիշի ավտոմեքենան Երեւան-Գորիս ճանապարհի 231-րդ կմ-ին բախվել է մերկասառույցի պատճառով ճանապարհը հորիզոնական փակած  «Վոլվո»  մակնիշի բեռնատարի: Պատահարի հետեւանքով «ԲՄՎ 525»-ի 2 ուղեւորները մարմնական վնասվածքներով տեղափոխվել են հիվանդանոց:

Ոստիկանության լրատվության վարչությունից հայտնում են, թե դեկտեմբերի 11-ին, ժամը 17.30-ի սահմաններում, «Նիսան»   մակնիշի ավտոմեքենան Երեւան-Մեղրի ճանապարհի 148-րդ կմ-ին է ընկել ձորը, ինչի  հետեւանքով ուղեւորուհին  մարմնական վնասվածքներով տեղափոխվել է հիվանդանոց:

Դեկտեմբերի 11-ին, ժամը 19.30-ին,   «ՎԱԶ-2102»  մակնիշի ավտոմեքենան Արտաշատ-Երեւան  ճանապարհին` Մարմարաշեն գյուղի հատվածում, բախվել  է «Լենդմարկ ZX 24»  մակնիշի ավտոմեքենայի:

«ՎԱԶ-2102»-ի վարորդը մարմնական վնասվածքներով տեղափոխվել է հիվանդանոց:

Դեկտեմբերի 11-ին, ժամը 23.30-ի սահմաններում,  «Ֆոլքսվագեն Տրանսպարտեր»  մակնիշի ավտոմեքենան Երեւան-Երասխ ճանապարհի 21-րդ կմ-ին կողաշրջվել է, ինչի հետեւանքով ուղեւորուհին մարմնական վնասվածքներով տեղափոխվել է հիվանդանոց:

Դեկտեմբերի 12-ին, ժամը 01.30-ի սահմաններում,   «ՈՒԱԶ-3151201» մակնիշի ավտոմեքենան Մյասնիկյան-Հացիկ ճանապարհի 1-ին կմ-ին շրջվել է, ինչի հետեւանքով վարորդը  եւ  3 ուղեւորները մարմնական վնասվածքներով տեղափոխվել են հիվանդանոց:

Բոլոր դեպքերով կատարվում է քննություն: