նախընտրելի դարձնելՄեքսիկայի Իգուալա քաղաքում ուսանողների անհետացման գործով ձերբակալված մեղարյալները խոստովանել են շուրջ 40 երիտասարդի սպանությունը, հայտնել է Մեքսիկայի գլխավոր դատախազ Խեսուս Մուրիլիո Քարամը:
Քննությունը կարծում է, որ մեղադրյալները հանցախմբերից մեկի անդամ են, նրանք հայտարարել են, որ սպանել են ուսանողներին, այնուհետեւ այրել նրանց մարմինները:
Մեքսիկայի իշխանությունները դեռ չեն ստացել զոհերի մնացորդների ԴՆԹ փորձագիտության արդյունքները, փոխանցում է BBC-ի ռուսական ծառայությունը:
Բողոքի ցույցերին ակտիվ մասնակցող ուսանողները անհետացել էին սեպտեմբերի վերջին՝ Հերերո նահանգի Իգուալա քաղաքում ոստիկանության հետ բախումից հետո:
Ըստ իշխանությունների վարկածի՝ նրանց առեւանգել էր ոստիկանությունը՝ ավելի ուշ հանձնելով տեղի հանցախմբերի ղեկավարներին: Ցուցմունք տված ոստիկանները պնդում են, որ ուսանողների վրա հարձակումը «պատվիրել էր» քաղաքապետը, որին դուր չէր եկել վերջիններիս գործունեությունը: Իգուալայի քաղաքապետը փորձել է փախչել քննությունից, սակայն երեքշաբթի ձերբակալվել է Մեխիկոյի ծայրամասում:
