նախընտրելի դարձնելՔուվեյթի նավթի նախարարի հայտարարությունը եւ ԱՄՆ-ում վառելիքի ապրանքային պաշարների աճի ակնկալիքների մասին տվյալները նավթի գների նվազման պատճառ են դարձել, փոխանցում է «Ինտերֆաքսը»:
Ըստ աղբյուրի՝ Brent նավթի դեկտեմբերի ֆյուչերսները լոնդոնյան բորսայում էժանացել են մեկ բարելի դիմաց 82,09 դոլարի: WTI նավթի ֆյուչերսների գները Նյու Յորքի ապրանքային բորսայում նվազել են բարելի դիմաց 77,11 դոլարի:
Քուվեյթի նավթի նախարար Ալի Ալ Օմարը հայտարարել էր, որ իր կարծիքով Նավթ արտահանող երկրների կազմակերպությունը նոյեմբերի նիստի արդյունքում նավթի արդյունահանման հավաքական քվոտան նվազեցնելու մասին որոշում չի կայացնի:
Նավթ արտահանող երկրների կազմակերպությունը հերթական հանդիպումը կանցկացնի նոյեմբերի 27-ին, արդյունահանման հավաքական քվոտան այժմ օրական 30 մլն բարել է: Վերլուծաբանները միասնական կարծիք չունեն, թե հանդիպմանը կազմակերպությունն ինչ որոշում կկայացնի:
Ըստ Bloomberg-ի ԱՄՆ-ում նավթի պաշարները նախորդ շաբաթ աճել են վեցերորդ անգամ անընդմեջ: Այս անգամվա աճը, ենթադրաբար, կազմել է 1 մլն բարել:
