նախընտրելի դարձնելՉինաստանի կենտրոնական մասի Չունցին քաղաքի մոտակայքում գտնվող մեկուսի կարստային քարանձավում հսկայական սալամանդր է հայտնաբերվել:
Երկկենցաղի երկարությունը 1,4 մետրի է հասնում, իսկ զանգվածը` 51,7 կգ-ի: Անհետացման եզրին գտնվող կենդանու տարիքը գնահատվում է երկու հարյուր տարի:
Երկկենցաղին հանձնել են գիտնականներին` ուսումնասիրման համար, տեղեկացնում է Lenta-ն` վկայակոչելով The Daily Mail-ին:
Չինաստանում այս երկկենցաղը պաշտպանվում է օրենքով: Վերջին 30 տարվա ընթացքում նրա թիվը խիստ կրճատվել է որսագողության հետեւանքով:
Չինաստանում հսկայական սալամանդրը շքեղության տարր է համարվում, իսկ ժողովրդական բժշկության մեջ գնահատվում է որպես դեղամիջոցների աղբյուր:
Չինական հսկայական սալամանդրը (Andrias davidianus) ժամանակակից ամենախոշոր երկկենցաղն է եւ գիտնականների խոսքով գոյություն ունի ավելի 170 միլիոն տարի:
