նախընտրելի դարձնելՄեքսիկայի ազգային անվտանգության հանձնաժողովն ամփոփել է մանկական պոռնոգրաֆիայի տարածմամբ զբաղվող հանցավոր ցանցի հետաքննության արդյունքները:
Հետաքննության արդյունքում 60 մարդ է ձերբակալվել ԱՄՆ-ում, Իսպանիայում եւ Լատինական Ամերիկայում: Ընդհանուր առմամբ ոստիկանությունը 100 ստուգում է իրականացրել աշխարհի 12 երկրում:
Հանձնաժողովը հայտնել է, որ Մեքսիկայում 9-ից 15 տարեկան երեք աղջիկ է փրկվել: Մի աղջիկ եւս փրկվել է, բայց առայժմ պարզ չէ, թե որ երկրում:
Իշխանությունները նաեւ առգրավել են համակարգիչները, որոնք օգտագործվում էին ցանցում անպարկեշտ տեսանյութեր տեղադրելու համար, տեղեկացնում է BBC-ի Ռուսական ծառայությունը:
«Գործողություն առանց սահմաններին» ուղղված էր այն կառույցների ի հայտ բերմանը, որոնք զբաղվում են համացանցում երեխաների մասնակցությամբ պոռնոգրաֆիական նյութի տարածմամբ, ասվում է հանձնաժողովի հայտարարության մեջ:
Երկու ամիս առաջ Իսպանիայի ոստիկանությունը երեխաների պոռնոգրաֆիական պատկերների տարածողներին հայտնաբերելու նպատակով իրականացված ստուգումների ընթացքում ավելի քան 80 մարդ էր ձերբակալել:
