ՆախընտրելիԱՄՆ-ի զինված ուժերի հատուկ նշանակության ջոկատը Իրաք է եկել այդ երկրում մարտական գաղտնի առաջադրանքներ կատարելու համար: Ինչպես տեղեկացրել է Վաշինգթոնի ղեկավարած միջազգային դաշինքի հրամանատարության ներկայացուցիչ գնդապետ Սթիվ Ուորենը, զինակազմի թիվը մոտ 100 մարդ է:
«Հատուկ նշանակության ջոկատը ժամանել է Իրաք` իրաքյան կառավարության խնդրանքով», - ասել է նա: «Երկրի ղեկավարության հետ խորհրդակցելուց հետո նրանք գաղտնի գործողություններ կիրականացնեն», - ներկայացուցչի խոսքերն է մեջբերում «Աս-Սումարիա» հեռուստաալիքը, տեղեկացնում է ՏԱՍՍ-ը:
«Զինակազմի թիվը 100 մարդ է, ճշտել է Ուորենը: Նրանք Իրաքի եւ Սիրիայի միջեւ «Իսլամական պետություն» (ԻՊ) խմբավորման մատակարարման ուղիները փակելուն ուղղված գործողություններ կիրականացնեն: ԻՊ-ը չգիտե, թե որտեղից հարված սպասի»:
