Բելգիական ոստիկանությունը կիրակի` օգոստոսի  7-ին` Լիեժում մարդու է ձերբակալել, որը փողոցում զբոսնում էր մաչետեով: Օրենքի պահապանները ահազանգող հեռախոսազանգով ձերբակալության են դուրս եկել վաղ առավոտյան եւ շրջապատել են տարածքը, որտեղ գտնվում էր կասկածելի տղամարդը:   Իրավապահների տվյալների համաձայն, ձերբակալվածը թուրքական ծագում ունի: Նա նախկինում չէր հայտնվել ոստիկանության տեսադաշտում, հայտնում է DW-ն: 

Բելգիայի ոստիկանական բաժանմունքներում  անվտանգության միջոցառումներն ուժեղացվել են այն բանից հետո, երբ շաբաթ` օգոստոսի   6-ին Շառլռուայում   33-ամյա ալժիրցին մաչետեով հարձակվել է երկու կին ոստիկանի վրա` բղավելով  «Ալլահ աքբար»: Հարձակվողին գնդակահարել է օրենքի մեկ այլ պահապան, որը մոտերքում է եղել: Իշխանությունները հարձակումն արդեն ահաբեկչական գործողություն են կոչել, դրա համար պատասխանատվությունը ստանձնել է ահաբեկչական «Իսլամական պետություն» խմբավորումը: