Միլանի ոստիկանությունը ձերբակալել է ծնունդով ռուսաստանցի Մարինա Բոյկոյին, որը փորձել է շինարարական մուրճի միջոցով «չեզոքացնել» մրցակցուհուն, հաղորդում է Corriere della Sera թերթը։

Ըստ հոդվածի, 49-ամյա Բոյկոն ժամանակին փայլել է Հռոմի բարձրաշխարհիկ վերնախավի եւ քաղաքական գործիչների շրջանում որպես սիրուհի եւ քարտուղարուհի, իսկ վերջին տարիներին հուսահատ կյանք էր վարում (գողություններ, մարմնական վնասվածքներ, ծեծ, սպառնալիքներ)։

Եվ ահա երեքշաբթի առավոտյան ատելությամբ լցված Բոյկոն մուրճով հարփակում է գործել 52-ամյա բժշկուհի, նույնպես ծնունդով ռուսաստանցի Գալինա Բարանովկայային, որին համարում էր իր «դժբախտությունների պատճառը եւ մրցակցուհին սիրո մեջ»։ Բարեբախտաբար, կինը, որը հարված է ստացել քունքին, հարեւանների օգնությամբ  հասցվել է հիվանդանոց եւ նրա կյանքին այժմ ոչինչ չի սպառնում։