նախընտրելի դարձնելԵրեւանի Մալաթիա- Սեբաստիա վարչական շրջանի դպրոցներից մեկում երեկ՝ մարտի 23-ին, դանակահարություն է տեղի ունեցել: NEWS.am-ի այս տեղեկությունը հաստատեց ոստիկանության լրատվական ծառայության ԶԼՄ-ների հետ կապի բաժնի պետ Էդգար Ջանոյանը:
«Ոստիկանությունը նման ահազանգ է ստացել շտապօգնության ենթակայանից: Ահազանգի համաձայն՝ մարտի 23-ին ժամը 10:25-ին շտապօգնության խումբը Հարավարևմտյան Բ2 թաղամասի դպրոցներից մեկի մոտից դանակահարված վիճակում «Սուրբ աստվածամայր» ԲԿ է տեղափոխել մի աշակերտի»,- ասաց նա:
Դեպքի վայր մեկնած օպերատիվ խումբը պարզել է, որ նույն օրը ժամը 08:35-ին դպրոցներից մեկի հետնամասում վիճաբանության ժամանակ անհայտ անձը դանակով հարվածել է 11-րդ դասարանի աշակերտի: Ոստիկանությունն արդեն պարզել է դանակահարողի ինքնությունը: Նա նույնպես աշակերտ է եւ արդեն ներկայացել է ոստիկանություն եւ տվել խոստովանական բացատրություն:
Կատարվում է քննություն:
