Ամերիկացի գիտնականները վստահեցնում են, որ հենց կրոնապաշտ մարդիկ են մյուսներից հաճախ պոռնո դիտում, հայտնում է Informing.–ը։

Գիտնականները հետազոտություն են իրականացրել, որպեսզի պարզեն՝ արդյոք կա կապ մարդու կրոնապաշտության ու պոռնո դիտելու հաճախության միջեւ։

Պարզվել է, որ անհավատները ավելի քիչ են հրապուրվում պոռնոյով, քան կրոնապաշտ մարդիկ։ Ընդ որում պոռնո դիտող կրոնապաշտ մարդկանց շրջանում ամենամեծ թիվը կազմում են ավետարանչականները։

Գիտնականների խոսքով, ուսումնասիրելով համացանցային որոնումների վիճակագրությունը, իրենք պարզել են, որ ԱՄՆ այն տարածքներում, որտեղ մեծաքանակ հավատացյալներ են ապրում, պոռնոյի հետ կապված ամենաշատ հարցումներն են դիտվել։

Գիտնականները տրամաբանական են համարում այս արդյունքները՝ հաշվի առնելով, որ որոշ կրոններ արգելում են մինչեւ ամուսնություն ինտիմ հարաբերություններ ունենալը։ Բացի դրանից կրոնական դաստիարակությունը մարդկանց ավելի կաշկանդված է դարձնում անկողնում։ Այնպես որ պոռնոֆիլմեր դիտելը նրանց համար մարմնական էներգիան սպառելու միակ հնարավորությունն է։