նախընտրելի դարձնել
Օրաթերթին հարցազրույց է տվել ՀՀ գլխավոր դատախազի նախկին տեղակալ, նախկին զիդատախազ Գագիկ Ջհանգիրյանը: Նա հաստատել է, որ ԱՄՆ-ում գործող հայկական մաֆիոզ խմբավորման պարագլուխ Արմեն Ղազարյանը ժամանակին ձերբակալվել է Հայաստանում:Ներկայացնում ենք մի հատված զրույցից:
Դուք ներսից կիմանաք նաեւ այն ամբողջ պատմությունը, որ պտտվում է Արմեն Ղազարյանի շուրջ: Ի վերջո, նա եկե՞լ է Հայաստան Ռոբերտ Քոչարյանի պաշտոնավարման տարիներին, թե ոչ: Դուք այդ ժամանակ համակարգում եք եղել եւ դժվար թե չիմանաք այդ պատմության մանրամասները:
Նա եկել է Հայաստան: Ձերբակալման դեպքը օդանավակայանում իրական է եղել, հետո նաեւ նրա ազատման դեպքն էլ է համապատասխանում իրականությանը: Ես դա գիտեմ ոչ ասեկոսեների մակարդակով:
Այսինքն` Արմեն Ղազարյանն իսկապես եկել է Երեւան, ապա ձերբակալվել է, հետո...
Հետո ազատ է արձակվել ու նորից լքել է Հայաստանը:
Ո՞ր թվականին:
Եթե չեմ սխալվում, դա պետք է լիներ 2000 թվականի հունվարը կամ էլ 1999 թվականի դեկտեմբերը: Եկել է Նոր տարուց առաջ, ձերբակալել են, Նոր տարուց հետո ազատ են արձակել:
Հայաստանյան օրենսդրության շրջանակներում` ինչի՞ մեջ էր նա մեղադրվում, որ օդանավակայանում ձերբակալվեց:
Դա արդեն ես չեմ կարող ասել, ես այն ժամանակ ՀՀ զինվորական դատախազն էի, իսկ նա քաղաքացիական անձ է եղել:
