նախընտրելի դարձնելՀՀ աշխատանքի եւ սոցիալական հարցերի նախարարի առաջին տեղակալ Արայիկ Պետրոսյանի ներկայացմամբ ՀՀ կառավարության օգոստոսի 31-ի հերթական նիստում հավանության է արժանացել «Ձորակ» հոգեկան առողջության խնդիրներ ունեցող անձանց խնամքի կենտրոնի ննջարանային մասնաշենքն ապօրինի զբաղեցրած անձանցից ազատելու մասին որոշման նախագիծը:
Նախագծի համաձայն լուծվում է տարիներ շարունակ կազմակերպության ննջարանային մասնաշենքի տարածքում առանց օրինական հիմքի բնակվող անօթեւան ինն ընտանիքի բնակարանային խնդիրը՝ բնակարանի գնման վկայագրեր տրամադրելու միջոցով:
Նախագծով լուծվում է նաեւ կազմակերպությանը պատկանող մասնաշենքի ազատված տարածքի նպատակային օգտագործման խնդիրը: Հոգեկան առողջության խնդիրներ ունեցող անձինք կապահովվեն կացարանով եւ խնամքի ու սոցիալ-վերականգնողական ծառայություններով:
