PewDiePie կեղծանունով հայտնի բլոգեր Ֆելիքս Չելբերգին մեղադրել են ռասիզմի մեջ։

TechCrunch–ի փոխանցմամբ՝ PlayerUnknown's Battlegrounds տեսախաղի ուղիղ հեռարձակման ժամանակ բլոգերը բացականչել է «Անիծյա՛լ նեգր։ Տե՛ր Աստված, ներողություն, բայց գրողը տանի, ի՞նչ է կատարվում»։

Դա իր վրա է գրավել Campo Santo ստուդիայի հիմնադիրներից Շոն Վանամանի ուշադրությունը, որը հայտարարել է, որ տեսախաղեր մշակողներին կոչ է արել բողոք ներկայացնել PewDiePie–ի դեմ հեղինակային իրավունքների խախտման համար։ «Ես ապշում եմ, թե ինչպես է այդ երեխան մեր աշխատանքի վրա գումար վաստակում»,–  գրել էր Վանմանը Twitter–ում եւ YouTube–ին խնդրել էր արգելափակել Չելբերգի հոլովակները։

Վիդեոհոսթինգի ղեկավարությունը սկսել է արգելափակել PewDiePie–ի տեսանյութերը։ Բլոգերը դեռեւս ոչ մի կերպ չի մեկնաբանել կատարվածը։