նախընտրելի դարձնելԲիթքոինի փոխարժեքը կարող է իջնել մինչեւ զրո, եթե աշխարհում այն չսկսեն որպես վճարման միջոց ընդունել, կարծում են Morgan Stanley-ի մասնագետները՝ վերլուծաբան Ջեյմս Ֆոսեթի գլխավորությամբ (James Faucette), հաղորդում է Business Insider-ը:
Ըստ Morgan Stanlеy-ի տվյալների՝ համաշխարհային 500 խոշոր ընկերություններից միայն 3-ն են որպես վճարման միջոց ընդունում բիթքոինը:
Այս փաստն, ըստ վերլուծաբանների, վկայում է այն մասին, որ մոտ ապագայում բիթքոինը կարող է արժեզրկվել:
Կրիպտոարժույթի փոխարժեքի անկմանը կնպաստի նաեւ բիթքոինով գործարքների փոքր ծավալը:
Բիթքոինով գործարքների օրական ծավալը այժմ կազմում է մոտ 3 մլրդ դոլար, իսկ համաշխարհային արժութային շուկայում օրական գործարքների միջին ծավալը կազմում է մոտ 5,4 տրիլիոն դոլար, գրում է թերթը:
Բիթքոինով նաեւ քիչ տրանզակցիաներ են տեղի ունենում: Բիթքոինի տրանզակցիաների օրական ծավալը 300 մլն դոլար է, մինչդեռ Visa համակարգով ամեն օր մոտ 17 մլրդ դոլարի գործարքներ են տեղի ունենում:
