նախընտրելի դարձնելԹուրքիայի զինված ուժերը հրետանակոծման են ենթարկել Սիրիայի Աֆրին շրջանում գտնվող սիրիական քրդերի ինքնապաշտպանական ուժերի (YPG) դիրքերը, որոնց ուղղությամբ առնվազն 10 հարված է հասցվել, հաղորդում է «ՌԻԱ Նովոստի»-ն՝ վկայակոչելով Anadolu գործակալությունը:
Գործակալության ռազմական աղբյուրների տվյալներով՝ կրակ է բացվել է YPG- ի կողմից հրետակոծմանն ի պատասխան: Ռազմական հարվածներն իրականացվել են Թուրքիայի Հաթայ նահանգի Հասայի եւ Քիրիկխանի շրջաններում տեղակայված թուրքական զինված ուժերի հատվածների ուղղությամբ:
YPG-ի աղբյուրի համաձայն՝ հարձակման են ենթարկվել մի քանի բնակավայրեր: «Թուրքիայի հարավում՝ Հաթայ քաղաքից արձակված թուրքական հրետանային կրակոցների արդյունքում ավելի քան 70 հրթիռային արկ է ընկել Ռաջու քաղաքի եւ հարեւան քաղաքների վրա, ինչը հանգեցրել է նյութական մեծ վնասների, ինչպես նաեւ տեղական ռադիոկայանի շենքի ոչնչացմանը բերել»,-ասել է նա:
Նախօրեին Թուրքիայի փոխվարչապետ Բեքիր Բոզդաղը հայտարարել էր, որ Անկարան խորհրդակցություններ է անցկացնում Մոսկվայի եւ Վաշինգթոնի հետ, Սիրիայի քրդական (YPG) զինված կազմավորումների դեմ Աֆրինում հնարավոր գործողությունների շուրջ, այս ուժերին Թուրքիան համարում է ահաբեկչական կազամակերպություն, որը կապված է երկրում արգելված Քուրդիստանի աշխատավորական կուսակցության հետ։ Լրատվամիջոցների հաղորդումների համաձայն՝ Թուրքիան իր զորքերը բերել է մարտական պատրաստականության բարձր աստիճանի եւ վերջին օրերին բազմիցս կրակել է սահմանային գոտիներում YPG-ի դիրքերի ուղղությամբ։
Թուրքիայի պաշտպանության նախարարը պնդել է, որ մտնելու են Սիրիա
Թուրքիան շարունակում է Ռուսաստանի եւ ԱՄՆ հետ Աֆրինայի գործողությունը քննարկել
