Զախարովան Լոնդոնի հակառուսական արշավում «շատ սարսափելի շոու» է տեսել

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Մեծ Բրիտանիայի հակառուսական արշավը՝ կապված Մոսկվայի նախկին ԳՀՎ աշխատակից Սերգեյ Սկրիպալի թունավորման մեղադրանքների հետ, «շատ վտանգավոր շոուի» մի մասն է: Այս հայտարարությունը նա արել է «Ռոսիա-24» հեռուստաալիքի եթերում, հաղորդում է ՌԲԿ- ն:

«Այս ամենը հսկայական բեմադրության, շոուի, շատ սարսափելի շոուի մի մասն է, որն իսկապես ապակայունացնում է միջազգային իրավիճակը», - ասել է Զախարովան: Նա բացատրել է, որ պետք է հաշվի առնել, որ հայտարարություններն այն մասին, որ Ռուսաստանը, իբր, Մեծ Բրիտանիայի դեմ ագրեսիա է կատարում, հնչում են միջուկային տերության ղեկավարի շուրթերից:

Զախարովան նշում է, որ այս արշավը սկսվել է երկու թեմաները `սիրիական խնդիրը եւ քիմիական զենքը իրար կապելու համար: Ըստ Զախարովայի, այսօր Արեւմուտքը տեսնում է Ռուսաստանի հաջողությունը Սիրիայում:

Խոսելով «Նովիչոկ» թունավորող նյութի աղբյուրների մասին, որով, բրիտանական կողմի տվյալներով թունավորվել է ԳՀՎ նախկին գնդապետ Սկրիպալը, կարող են լինել մի քանի երկիր, վստահ է Զախարովան:

«Այս քիմիական նյութի ծագման ամենահավանական աղբյուրն այն երկրներն են, որոնք 90-ականների վերջին, այդ թվում, ներկայումս անցկացնում են «Նովիչոկ» նյութի հետազոտությունները ... Այդ երկրներն են Մեծ Բրիտանիան, Սլովակիան, Չեխիան, Շվեդիան, ԱՄՆ-ն նույնպես հարցականի տակ է », - ասել է Զախարովան:

Մարտի 17-ի առավոտյան Մեծ Բրիտանիայի դեսպան Լորի Բրիստոուն կանչվել էր ՌԴ ԱԳՆ: Նրան ասվել է, որ ի պատասխան Անգլիայից 23 ռուս դիվանագետների արտաքսմանը, Ռուսաստանը մի շարք պատասխան միջոցներ է ձեռնարկելու: Դրանք ներառում են 23 բրիտանացի դիվանագետների «հայելային» արտաքսումը, Սանկտ Պետերբուրգում հյուպատոսության փակումը եւ Բրիտանական խորհրդի աշխատանքների դադարեցումը:

Ռուս-բրիտանական հարաբերությունների վատթարացման պատճառը նախկին ԳՀՎ աշխատակից Սերգեյ Սկրիպալի եւ նրա դուստր Յուլիայի թունավորումն էր: Մարտի 12-ին Բրիտանիայի վարչապետ Թերեզա Մեյը հայտարարել էր, որ հարձակման ժամանակ օգտագոծվել է ԽՍՀՄ-ում մշակված «Նովիչոկ» նյութերի խմբին պատկանող նյարդակաթվածային թույն:

Ռուսաստանը հայտնել է 23 բրիտանացի դիվանագետների արտաքսման մասին

Կարծես թե Սկրիպալի թունավորման հետեւում Ռուսաստանն է կանգնած. Թրամփ

Թերեզա Մեյը պատրաստ է նոր միջոցներ ձեռնարկել «Ռուսաստանի կողմից սադրանքների» դեպքում

ՌԴ ԱԳՆ-ն Թերեզա Մեյի հայտարարությունը «կոպիտ սադրանք» է անվանել

Լրտեսի առեղծվածային թունավորում. Լոնդոնն ու Մոսկվան հարաբերությունների խզման եզրին են

Բրիտանիան կարտաքսի 23 ռուսաստանցի դիվանագետի

Բրիտանիան կասեցնում է Ռուսաստանի հետ երկկողմ շփումները

Ռուսաստանը պատասխանատու է նախկին ռուսական լրտեսի թունավորման համար. Թերեզա Մեյ

ԳՀՎ նախկին գնդապետ Սերգեյ Սկրիպալը Մեծ Բրիտանիայի արտաքին հետախուզության արժեքավոր գործակալներից էր

Ոստիկանությունը Սկրիպալի կնոջ եւ որդու գերեզմաններից ծաղիկները տարել է

Բրիտանական լրատվամիջոցները հայտնել են Սկրիպալի եւ նրա դստեր թունավորման պատճառները

Ոստիկանությունը սկսել է քննել Սկրիպալի՝ տանը թունավորվելու տարբերակը