Կիրակի օրը Գվատեմալայի Ֆուեգո հրաբխի ժայթքման հետեւանքով զոհերի թիվը հասել է մինչեւ 25 մարդ։ Այս մասին հաղորդել է Տարերային աղետների հետեւանքների նվազեցման հարցերով ազգային ծառայության ներկայացուցիչը, փոխանցում է «ՌԻԱ Նովոստի»–ն։

RBC Noticias ալիքը նշում է, որ, վերջին տվյալներով, 653 մարդ է տեղակայվել ժամանակավոր ապաստարաններում, նրանցից 378–ը՝ Էսքուինթլայի դեպարտամենտում եւ 275-ը՝ Սաքաթեփեսկեսում։

Այս ժայթքումն ամենաուժեղն է եղել վերջին տարիների ընթացքում։ Ծխի ու մոխրի սյուները մինչեւ տասնյակ կիլոմետրեր են բարձրացել։ Մոխիրը տարածվել է 40 կմ/ժ արագությամբ շարժվող քամու ուղղությամբ։

Գվատեմալայի իշխանությունները վտանգի կարմիր մակարդակ են հայտարարել միանգամից մի քանի բնակավայրերում։