նախընտրելի դարձնել
«Ծառուկյան» դաշինքը, որպես իշխանության մեջ ներկայացված քաղաքական ուժ, շահագրգռված է կառավարության բարձր իմիջի պահպանմամբ, սակայն այդ իմիջը կարող է շատ արագ տուժել, եթե հանրությունը հակասություններ նկատի իշխանության որոշ ներկայացուցիչների դիրքորոշումներում, որոնք նրանք արել են նախկինում, եւ որոնք չեն համապատասխանում ներկայիս հայտարարություններին: Այս մասին հունիսի 12-ին ԱԺ-ում ասաց «Ծառուկյան» դաշինքի պատգամավոր Գեւորգ Պետրոսյանը:
Նրա խոսքով՝ ամբողջ խնդիրն այն է, որ կառավարության որոշ ներկայացուցիչներ նախկինում Հայաստանի Սահմանադրական դատարանում իբր հայտարարել են, որ պարտադիր կուտակային կենսաթոշակային համակարգի ներդրումը չի համապատասխանում սոցիալական պետության գաղափարներին: «Որովհետեւ սոցիալական համարվող պետությունը իր քաղաքացիների վրա չպետք է բեռ դնի: Երկրորդ՝ որ տվյալ համակարգը խախտում է քաղաքացիների սեփականության իրավունքը, որը սոցիալ-տնտեսական իրավունքի կարեւորագույն դրույթներից մեկն է, որն ամրագրված է Սահմանադրության մեջ: Եվ երրորդ՝ երկրի նախկին իշխանությունների հանդեպ վստահություն չկար»,- պարզաբանեց պատգամավորը:
Նա ընդգծեց, որ քաղաքացիները կասկածելու իրավունք եւ հիմքեր ունեին, որ այս համակարգն իրենց շահերի պաշտպանության համար է ներդրվում:
