նախընտրելի դարձնել
Վրաստանում արտակարգ դրության կամ կարանտինի կանոնները կրկնակի խախտելու համար վեց տարվա ազատազրկում է սպառնում, հայտնում է «Նովոստի Վրաստան»-ը:
Վրաստանի խորհրդարանը երրորդ ընթերցմամբ ընդունել է տուգանքների եւ կարանտինի ու ինքնամեկուսացման կանոնների հետ կապված քրեական պատասխանատվության մասին օրենսդրության մեջ փոփոխությունները։ Այսօրվա նիստում փոփոխություններին կողմ է քվեարկել 78 պատգամավոր:
Խորհրդարանի որոշմամբ՝ մեկուսացման կամ կարանտինի այն կանոնների խախտումը, որոնք սահմանվել են «Հանրային առողջության մասին» օրենքի համաձայն, կպատժվի ֆիզիկական անձի համար 2000 լարի, իսկ իրավաբանական անձի համար՝ 10 000 լարի տուգանքով:
Որպես այս գրության ծանուցում, նշվում է, որ մեկուսացման կամ կարանտինի կանոնը խախտելու դեպքում ՆԳՆ լիազոր ներկայացուցիչը իրավունք ունի խելամիտ ժամկետում խախտողին տեղափոխել համապատասխան վայր:
Նաեւ, փոփոխությունների համաձայն, ՀՀ Նախագահի հրամանագրով կամ համապատասխան այլ կանոնակարգերով սահմանված արտակարգ դրության կամ ռազմական դրության կանոնների խախտումը, եթե այդ կանոնը արտակարգ դրության կամ ռազմական դրության մաս է հանդիսանում, պատժվում է ֆիզիկական անձի դեպքում 3000 լարի, իրավաբանական անձի դեպքում՝ 15 000 լարի տուգանքով, եթե Նախագահի որոշմամբ այլ բան նախատեսված չէ:
Բացի այդ, Վարչական իրավախախտումների օրենսգրքում եւ Քրեական օրենսգրքում կատարվել են փոփոխություններ, որոնք որպես պատիժ ազատազրկում են նախատեսում։
Եթե Վարչական օրենսգրքով արդեն դատապարտված անձը կրկին խախտում է թույլ տալիս, ապա մեղքը ճանաչելու դեպքում նրան մինչեւ վեց տարվա ազատազրկում է սպառնում, եթե նախագահի հրամանագրով այլ բան նախատեսված չէ։
Այս հոդվածի առնչությամբ նշվում է նաեւ, որ կրկնակի խախտման դեպքում իրավաբանական անձը կպատժվի տուգանքով, գործունեության իրավունքից զրկվելով կամ լուծարմամբ, եթե Վրաստանի Նախագահի հրամանագրով այլ բան նախատեսված չէ:
